早前薯片叔叔话香港可以推行 Food Truck 搞到全城讨论，一边就想搞西洋Food Truck，一边就将本地街头小食文化消灭，好在香港仲好多小食文化苟延残喘。好似西湾河太安楼，好似缩细版台湾士林夜市…！各种美食的香味、煮食时的洪洪火光、叫卖声一涌而来，小小的太安楼地下便有二十多间小食店，即刻介绍当中的好味抵食的9大宵夜推介！

最新发现(Food Truck新品) 紫薯新品！（更新：6月19日）

1. Food Truck热爆新品！紫薯手抓饼

咪讲笑，紫薯真係热到爆炸！连太安楼都跟上潮流，将原本已经大热的手抓饼，升呢成紫薯口味。採访期间，眼见客人清一色拣紫薯口味，老闆话日卖多至100份！手抓饼煎得金黄酥脆，紫薯香味惊喜地突出。提议大家馅料拣带子裙边，即係围住带子那条波浪型脆边，入口爽脆好味，配埋油香四溢的烟肉和芝士，真係无得顶！

艾•蜜思

地址：太安楼商场A3-A7号

营业时间：1pm – 1am

2.台湾手抓饼(Food Truck都有)

太安楼最新美食，老闆远赴台湾手抓饼专门店拜师学艺，几个月前学成归来就係太安楼开铺，１５蚊饼底即叫即製，可以自由选择２４种配料，配料＄５～＄９不等，推介大家一定要加鸡蛋同芝士，有呢２种邪恶配料，配合即製手抓饼的香脆口感，无敌！

3.【同埋加映】轰炸原只炸鱿鱼　

老闆就介绍埋呢个轰炸大鱿鱼，到好多台湾小食一样，卖点就係大大份，自问大口仔一啖都咬唔哂，鱿鱼炸得算香口，但都几油腻下，卖相都有待改善，但＄２２蚊大大条你想点？店家仲有台式饮品，珍珠奶茶、果味茶饮，$13-15蚊杯，食到口乾可以整番杯！

+5ºC 手抓饼专门店

地址：太安楼商场A34-B号

营业时间：营业时间: 12:00pm – 12mn (星期四休息)

4.风味十足重庆烧烤　

讲到夜市，又点可以无烧烤？！老闆係你面前即叫即烧的重庆烧，胜在配合现场环境风味十足，二十多款串烧中重点推介烧茄子，＄２０蚊原条烧俾你，配合茴香粉与香辣粉，惹味！

东记小食

地址：太安楼商场A2-8及A2-9号

营业时间：营业时间: 6pm – 1mn

5.霸气Ｘ镬气　十秒抵食炒河！

係火光！隔成条街就被呢一道雄雄嘅火光吸引住！不得了！原来係传说中的十秒炒河，＄２６蚊任你拣哂八种配料，５种麵底（识得一定係河粉！），十秒炒完食得，净係食个镬气都抵啦！

中兴美食

地址：太安楼商场A2-8及A2-9号

营业时间: 6pm – 1mn

金黄脆香 格仔饼　

6.金黄脆香 格仔饼　

去鸿记，好多人话食鸡蛋仔，我就反而推介佢嘅格仔饼，同样即叫即做，超厚身的饼底与配料爆满才是重点！！原味格仔饼有花生酱、花生粒、砂糖同炼奶，而士多啤梨同朱古力同样爆多浆，配合即製鬆脆格仔饼，＄１７蚊一底！

鸿记鸡蛋仔

地址：太安楼商场A34C号

营业时间:10am – 11pm

7.阿苏都讚好！芝士鸡蛋仔　

连啊苏都讚好的鸡蛋仔，当然有卖点啦，芝士鸡蛋仔，将鸡蛋与芝士浆融合一起，每一粒都有淡淡芝士香味，又有保留鸡蛋仔的香脆，又一经常排队之选。

蛋记

地址：太安楼商场A3-6号

营业时间:12nn – 11pm

8.即做穀饲牛汉堡　

13年开店的味口福，$32蚊个双层牛肉burger，听落好似有少少贵，但我就话俾你知其实好抵！事关店主用澳洲穀饲牛做汉堡，汉堡入面仲混有洋葱同蘑菇，可能係成个太安楼最高级的小食！

味口福

地址：太安楼商场A31号

营业时间:12nn – 10pm

9.怀旧蜜桃冰与菠萝冰　店家：潮食

去到最后，食咗咁多小食就整番个小甜品啦，推荐大家怀旧咬番个$4蜜桃冰或$5菠萝冰，最岩踢走春天郁闷天气，又消消滞！

潮食派对

地址：太安楼商场A31号

营业时间:12nn – 9pm

太安楼夜市　扫街（戴头盔）温馨提示：

1.话明夜市，大部份小食店，如炒河、烧烤店等，都喺6pm – 凌晨1点钟营业，想食哂咁多间就一定要晚上才去喇。

2.店家卫生程度不一，许Sir就觉得总体係可以接受既，但大家就要视乎自己肠胃接受程度，如果要食内脏类食品就要更加小心喇。

太安楼商场

地址：西湾河筲箕湾道57-87太安楼地下

显示地图