主页 > 知道资讯 >日本LEGOLAND 率先睇! 5大亚洲独有游戏设施 >
日本LEGOLAND 率先睇! 5大亚洲独有游戏设施

虽然 日本LEGOLAND 仲有个半月先开幕,但近两星期唔少日本传媒已经抢先进入 日本LEGOLAND 拍摄採访,加上官方不断发放园区新相,愈来愈多细节流出,明显引入好多马来西亚都无嘅设施,仲有全球独家游戏添!所以我哋整合咗1份新的必玩攻略,等一众积木迷止止渴,计划定乐园必玩路线!

text-mini tomato

01 | 全球独家!Pino雪糕咖啡杯 Imagination Celebration

LEGOLAND少有地同其他牌子玩crossover,今次就搵嚟日本细路最爱的朱古力脆皮雪糕品牌Pino,变成一个个红白色旋转咖啡杯,同场仲有雪糕车卖盒装雪糕,而且每盒都会送特别版Pino LEGO积木,fans必储!

日本LEGOLAND 率先睇! 5大亚洲独有游戏设施
唔知雪糕会唔会有新口味呢?
02 | 积木生成记 LEGO Factory Tour

大细路积木迷最开心,莫过于将原装LEGO Factory Tour搬嚟 日本LEGOLAND 啦!成个Tour係条简单化嘅LEGO生产线,可以见证积木同人仔由头到尾嘅製作过程,临走仲可以拎走1块新鲜啤出嚟嘅LEGO brick作为留念,睇番美国加州、德国等地的纪念积木款式都唔同,日本版相当有纪念价值!

日本LEGOLAND 率先睇! 5大亚洲独有游戏设施
美国加州的Factory Tour
日本LEGOLAND 率先睇! 5大亚洲独有游戏设施
其他国家嘅Factory Tour纪念积木,每逢节日仲会有特别版推出!

日本LEGOLAND 率先睇! 5大亚洲独有游戏设施

见证人仔头生产过程。

03 | DUPLO旋转木马 Brick Party

睇番美国两个LEGOLAND都有两层高嘅旋转木马,小朋友终于唔使得个恨字,而家去 日本LEGOLAND 都可以玩到!虽则无两层咁fancy,但係木马就变成DUPLO砌出嚟嘅老虎、雀仔、电单车等等,颜色七彩缤纷,一进入园区就会见到,记得玩咗先继续行!

04 | 轻量级海盗船 Anchors Away

日本LEGOLAND 官方啱啱出咗新相,喺正观光塔隔篱就有海盗船玩,不过刺激程度只属BB级,小朋友玩都唔会惊,唔似美国嘅摇摆幅度咁大,啱晒爸爸妈妈同细路一齐玩。

日本LEGOLAND 率先睇! 5大亚洲独有游戏设施
小朋友笑得咁轻鬆,就知海盗船完全唔惊啦!
05 | 潜入海底世界 Submarine Adventure

英国同杜拜先有的潜水艇都降临 日本LEGOLAND !Submarine Adventure俾你坐入潜水艇漫游海底世界,睇珊瑚睇魔鬼鱼之外,当然唔少得大大小小嘅LEGO装饰。

日本LEGOLAND 率先睇! 5大亚洲独有游戏设施
英国的水底世界就以失落城市Atlantis为主题,每次潜艇可以载14人,相信日本乐园亦一样。
日本LEGOLAND 率先睇! 5大亚洲独有游戏设施
有鲨鱼、魔鬼鱼同大量珊瑚睇。


上一篇: 下一篇: